აღსრულების ეროვნული ბიუროს ეზოში ცეცხლსასროლი იარაღით 2 პირი დაუპირისპირდა ერთმანეთს. ინფორმაცია ამის შესახებ On.ge-ს ბიუროს საზოგადოებასთან ურთიერთობის დეპარტამენტში დაუდასტურეს.

დაპირისპირების შედეგად დაზარალებული პირები სასწრაფო დახმარების ბრიგადამ საავადმყოფოში გადაიყვანა. ადგილზე ასევე მობილიზებულები არიან საპატრულო პოლიციის თანამშრომლები და კრიმინალისტები.

როგორც უწყებაში განგვიცხადეს, აღნიშნული პირები აღსრულების ეროვნულ ბიუროს თანამშრომლები არ არიან და არანაირი კავშირი არ აქვთ მასთან.