ლიბერთი ბანკის მფლობელი და ტელეკომპანია იმედის სამეთვალყურეო საბჭოს თავმჯდომარე, ირაკლი რუხაძე ადასტურებს, რომ იმედის შესყიდვაზე მოლაპარაკებები აქვს. ამის შესახებ მან ბიზნესმედია ჯგუფს განუცხადა.

"რომ ყოფილიყო [იმედის შესყიდვაზე მოლაპარაკებები] ხო უნდა მივსულიყავით მარეგულირებელში, უნდა განვაცხადოთ. ეს ყველაფერი რომ მოხდება, მერე შეგიძლიათ ჩათვალოთ, რომ მიღწეული მოლაპარაკება", - აღნიშნა ირაკლი რუხაძემ.

ტელეკომპანია იმედის წილების გასხვისების შესახებ არაერთმა მედიასაშუალებამ გაავრცელა. ცვლილებები საჯარო რეესტრში ჯერ ასახული არაა.

რუხაძეს დაახლოებით 2 წლის წინ ტელეკომპანია მაესტროს წილების შესყიდვაზეც ჰქონდა მოლაპარაკებები. ახლა ეს არხი იმედის ჰოლდინგშია.