თბილისის საქალაქო სასამართლომ გაითვალისწინა თბილისის სატრანსპორტო კომპანიის მოთხოვნა და მეტროს მემანქანეების 3 მაისს დაგგემილი გაფიცვა ერთი თვით გადაავადა. ამის შესახებ ინფომაცია On.ge-ს თბილისის სატრანსპორტო კომპანიის პრესსამსახურში მიაწოდეს.

უწყების პრესსამსახურის ინფორმაციით, სასამართლოს მსგავსი გადაწყვეტილება რომ არ მიეღო მათ მაინც ჰქონდათ ალტერნატიული გზები მოძიებული. კომპანიაში აღნიშნავენ, რომ მათ ჰყავთ რეზერვი მემანქანეები და საჭიროების შემთხვევაში მემანქანის გამოცდილების სხვა თანამშრომლებით შეცვლიდნენ გაფიცულ თანამშრომლებს.

მეტროს მემანქანეები ხელფასის გაზრდას წლებია ითხოვენ. თბილისის მერიასა და სატრანსპორტო კომპანიაში პასუხობენ, რომ მათ ამის რესურსი არ აქვთ. ამ მიზეზით მეტროს მემანქანეებმა 3 მაისიდან მუშაობის შეწყვეტაზე ინფორმაცია გაავრცელეს. სწორედ ეს გადაწყვეტილება შეაჩერა თბილისის საქალაქო სასამართლომ ერთი თვით.

გაფიცვის მცდელობა 2016 წელს

2016 წლის პირველ მარტს თბილისის სატრანსპორტო კომპანიის დასაქმებულ მეტროს მემანქანეთა პროფესიულმა კავშირმა ერთობა 2013, წერილობით მიმართა კომპანიას და შრომის პირობების გაუმჯობესება, მათ შორის, საათობრივი სატარიფო განაკვეთის მატება მოითხოვა.

დასაქმებულთა მხრიდან შრომითი დავა წარიმართა. პროცესში მედიატორის ჩართვის მიუხედავად, მხარეებმა ვერ მიაღწიეს შეთანხმებას. პროფესიულმა კავშირმა გაფიცვა გადაწყვიტა. მათ 2016 წლის 8 აპრილიდან გაფიცვის დაწყების თაობაზე, წერილობით აცნობა შესაბამის მხარეებს. საპასუხოდ, 2016 წლის 5 აპრილს თბილისის სატრანსპორტო კომპანიამ განცხადებით მიმართა საქალაქო სასამართლოს და მოითხოვა გაფიცვის დაწყების 30 დღით გადადება, შრომის კოდექსით გათვალისწინებული პირობის, კერძოდ, სასიცოცხლო მნიშვნელობის სამსახურის საქმიანობისათვის საფრთხის შექმნის გამო.

სასამართლოს 2016 წლის 6 აპრილის განჩინებით დასაქმებულებს შეეზღუდათ გაფიცვის გამოყენების უფლება 30 დღის ვადით.

ამავე თემაზე: