საქართველოს პრეზიდენტმა, გიორგი მარგველაშვილმა პარლამენტში ყოველწლიური მოხსენებისას განაცხადა, რომ გაუგებარია "რუსეთთან ამ ვითარებაში" მყოფი ქვეყანა უშიშროების საბჭოს რატომ აუქმებს.

"ქვეყანა აუქმებს უმაღლეს პოლიტიკურ ორგანოს, სადაც უნდა მიმდინარეობდეს მსჯელობა ქვეყნის თავდაცვისუნარიანობის თაობაზე, აუქმებს უშიშროების საბჭოს. თვითგადარჩენის ინსტინქტის ტოლფასია, რომ ჩვენ ასეთი ინსტიტუტები არ გავაუქმოთ", - განაცხადა პრეზიდენტმა.

მისივე თქმით, რუსეთის მიმართ განსაზღვრული სტრატეგიული მოთმინების პოლიტიკა სწორი და ადეკვატურია:

"ცივი ომის სპეციფიკა და პრობლემა იმაში მდგომარეობს, რომ მესამე ქვეყნებში, რომელიც დაცული არ არიან ბოლომდე, და საქართველო ჯერ კიდევ არ არის ნატოს წევრი, იარაღის ჟღარუნი განახორციელოს ქვეყანამ. ამიტომ დღეს ჩვენ განსაკუთრებით გვჭირდება ამ მიმართულებით ფხიზლად ყოფნა და მიმაჩნია, რომ სწორია სტრატეგიული მოთმინების პოლიტიკა, მაგრამ ამ ახალ ფაზაში კიდევ უფრო ძლიერი უნდა იყოს ჩვენი გაერთიანება პოლიტიკური კუთვნილების განურჩევლად, იმ ღირებულებების ირგვლივ რასაც ჰქვია, საქართველოს ერთიანობის მთლიანობის დაცვა", - განაცხადა გიორგი მარგველაშვილმა.