საქართველოს პრეზიდენტმა, გიორგი მარგველაშვილმა საპარლამენტო გამოსვლა 2013 წლის გახსენებით დაიწყო.

პრეზიდენტის თქმით, მას ახსოვს ის სულისკვეთება, რომელიც მაშინ ქართული ოცნების გუნდს ჰქონდა.

"მაშინ განხორციელებული რეფორმები, ის რაც გააკეთა დათო სერგეენკომ, რაც გააკეთა დათო კირვალიძემ, ის რაც მე გავაკეთე განათლების სისტემაში და შემიძლია ვთქვა, რომ იმის მერე განათლების სისტემაში არც არაფერი გაკეთებულია, იყო ორიენტირებული საქართველოს რიგით მოქალაქეზე", - განაცხადა გიორგი მარგველაშვილმა.

მისი თქმით, იმ დროს გატარებული რეფორმები იყო ორიენტირებული იმაზე, რომ რიგითი ქართველის ყოფა შეცვლილიყო.

"ასე მოხდა ჯანდაცვაში, ასე მოხდა სოფლის მეურნეობაში და ამ სულისკვეთებით მე დავთანხმდი ვყოფილიყავი ქართული ოცნების საპრეზიდენტო კანდიდატი, რათა ეს მუშაობა გაგრძელებულიყო“, - განაცხადა მარგველაშვილმა.

საქართველოს მეოთხე პრეზიდენტის გიორგი მარგველაშვილი ბოლო საპარლამენტო მოხსენებას დეპუტატები, მთავრობის წევრები და სასულიერო პირები ამ წუთებში ისმენენ.