Ekhokavkaza სომხურ მედიაზე დაყრდნობით წერს, რომ შეიარაღებული დაჰჯგუფების მიერ პოლიციის შენობის აღების გამო, მიმდებარე ტერიტორიაზე ევაკუაცია გამოცხადდა. ამბოხებულებს შენობაში მძევლები ჰყავთ აყვანილი, მათ შორის ერევნის პოლიციის უფროსის მოადგილე, ვალერი ოსიპიანი.

პოლიციის შენობასთან ყველა მისადგომი გზა ალყაშია მოქცეული. ადგილზე მობილიზებულია პოლიცია და სამხედრო დანაყოფები, მათ შორის მძიმე ჯავშანტექნიკაც.

დღეს სომხეთის დედაქალაქში, ერებუნის რაიონში, შეიარაღებული დაჯგუფება სატვირთო მანქანებით პოლიციის ტერიტორიაზე შეიჭრა და შენობის აღება სცადა, რის შედეგადაც ერთი პირია გარდაცვლილი.

ამბოხებულების მთავარ მოთხოვნას სომხეთის ოპოზიციური სამოქალაქო ინიციატივის - დამფუძნებელი პარლამენტის კოორდინატორის, ჟირაირა სეფილიანის გათავისუფლებაა, რომელიც იარაღის უკანონო შეძენა-შენახვისათვის არის ბრალდებული.

გამოძიების ინფორმაციით, სეფელიანი შეიარაღებულ დაჯგუფებასთან ერთად აპირებდა შენობების, ტელეკომუნიკაციების, მათ შორის ერევნის სატელევიზიო ანძის დაკავებას.

მათივე ცნობით, დანაშაულებრივი ჯგუფი გეგმავდა ყარაბაღის კონფლიქტის ზონაში ვითარების ესკალაციას პროვოკაციების გზით.

შეიარაღებული პირები ერევანში პოლიციის შენობაში შეიჭრნენ