თბილისის მერიის საზოგადოებასთან კომუნიკაციების სააგენტომ ტელეკომპანია იმედთან 152 821 ლარის ღირებულების ხელშეკრულებები გააფორმა, მის კონკურენტ რუსთავი 2-თან კი - 0 ლარის. ტელეკომპანიებთან დადებული ხელშეკრულებები სახელმწიფო შესყიდვების სააგენტოს ვებგვერდზე იძებნება.

თბილისის მერიაში On.ge-ს განუცხადეს, რომ რუსთავი 2-თან ხელშეკრულება იმის გამო არ დაიდო, რომ ის კონსოლიდირებულ ტენდერში არ მონაწილეობდა.

"სახელმწიფო უწყებებს რეკლამის განთავსება მხოლოდ ამ წესით [კონსოლიდირებული ტენდერის ფარგლებში] აქვთ", - აცხადებენ მერიაში.

მიმდინარე წელს თბილისის მერიას ჯამში 315 952 ლარის ღირებულების ხელშეკრულებები დადო. ხელშეკრულება დაიდო იმედის ჰოლდინგში შემავალ კიდევ ერთ არხთან, მაესტროსთან.

სარეკლამო თანხების გადანაწილება

  • ფეისბუქი - $55 000, დაახლოებით 132 203 ლარი;
  • იმედი - 152 821 ლარი;
  • TV პირველი - 11 676 ლარი;
  • საზოგადოებრივი მაუწყებელი - 8 060 ლარი;
  • TV იბერია - 4 758 ლარი;
  • მიკროავტობუსებში რეკლამა - 4 523 ლარი;
  • მაესტრო - 1 911 ლარი.

ამავე თემაზე: თბილისის მერიის კომუნიკაციების სააგენტო - ახალი უწყება და მილიონიანი ბიუჯეტი