გავრცელებული ინფორმაციით, კარლო ანჩელოტის იტალიის ნაკრების მთავარი მწვრთნელის პოზიციაზე ეპატიჟებიან.

იტალიელი სპეციალისტი მას მერეა თავისუფალი, რაც მიუნხენის ბაიერნი დატოვა.

წყაროში ნათქვამია, რომ მილანის, ჩელსისა და რეალის ყოფილი მწვრთნელი იტალიის ფეხბურთის ფედერაციის პრეზიდენტ რობერტო ფაბრიჩინისა და ალესანდრო კოსტაკურტას შეხვდა.

სავარაუდოდ მას იტალიის ნაკრებთან ორწლიანი კონტრაქტის გაფორმება შესთავაზეს.

თავად კოსტაკურტა ამ შეხვედრას უარყოფს:

"კარლო რომში პირადი მიზეზით იყო. ის იმ სასტუმროში აღმოჩნდა, რომელშიც მე ხშირად ვიმყოფები ხოლმე. სამსახურებრივ საკითხებზე არ გვისაუბრია, უბრალოდ ამის შესაძლებლობაზე ერთი-ორჯერ გავიხუმრეთ", - აღნიშნა კოსტაკურტამ.