სასწავლო პროცესის შეწყვეტის გამო გამართული საპროტესტო აქციების შემდეგ, თბილისში, გაბრიელ სალოსის გამზირზე მდებარე #109 ბაგა-ბაღი, იმავე უბანში, ალტერნატატიულ ფართში გადავიდა.

ერთი კვირის წინ #109 ბაგა-ბაღში სასწავლო პროცესი შეწყდა.სამხარაულის ექსპერტიზის ბიუროს დასკვნით, ბაღი ავარიული იყო და დემონტაჟი სჭირდებოდა. მოსწავლეები სხვადასხვა ბაღებში გადაანაწილეს, მათ შორის ის ბავშვებიც, რომელიც ერთი ოჯახიდან იყვნენ.

ბაღის დახურვის გასაპროტესტებლად მშობლებმა აქციები გამართეს. მათი თქმით, ბაღს რესტავრაცია ორი წლის წინ ჩაუტარდა და შენობა კარგ მდგომარეობაში იყო. მათივე თქმით, ბაღის ტერიტორიაზე მშენებლობა იგეგმებოდა და სწორედ ამიტომ გადაწყდა მისი დემონტაჟი.

მშობლები მოითხოვდნენ #109 ბაღში სასწავლო პროცესის აღდგენას ან ალტერნატიულ ფართს, სადაც ბავშვები ერთ შენობაში ისწავლიდნენ. აღნიშნულთან დაკავშირებით, ქალაქის მერმა, კახა კალაძემ განაცხადა, რომ ბაღის ტერიტორიაზე სხვა მშენებლობა არ იგეგმებოდა და დემონტაჟის შემდეგ, ბაღისთვის, ახალი შენობა აშენდებოდა.