70-წლიანი ტექნიკური ომის შემდეგ ჩრდილოეთ და სამხრეთ კორეას შორის საომარი მოქმედება გაუქმდება. ამის შესახებ ინფორმაციას CNBC ავრცელებს.

გამოცემა ადგილობრივ მედიაზე დაყრდნობით წერს, რომ მომავალ კვირაში, დემილიტარიზებულ ზონაში ერთობლივი სამიტი გაიმართება. სამიტზე ორი სახელმწიფო საერთო განცხადებას გაავრცელებს, რომელიც დაასრულებს მილიტარული კონფლიქტის მდგომარეობას. ამავე წყაროზე დაყრდნობით CNBC წერს, რომ დოკუმენტზე უკვე მუშაობენ ორივე, მხარის წარმომადგენლები.

ექსპერტების თქმით, აღნიშნული შეთანხმებაა ხელს შეუწყობს და დააჩქარებს სამშვიდობო პროცესს. გადაწყვეტილება დადებით გავლენას იქონიებს დონალდ ტრამპისა და ჩრდილოეთ კორეის ლიდერის მომავალ შეხვედრაზეც.

ჩრდილოეთ და სამხრეთ კორეა ქვეყნის გაყოფის დღიდან, 1953 წლიდან ერთამანეთთან ტექნიკური ომის მდგომარეობაში იმყოფებიან.