გაეროში აშშ-ის მუდმივმა წარმომადგენელმა, ნიკი ჰეილიმ განაცხადა, რომ ორშაბათს აშშ რუსეთის წინააღმდეგ ახალ სანქციებს გააჟღერებს. ჰეილიმ ამის შესახებ CBS-თან ინტერვიუში ისაუბრა. მისივე თქმით, სანქცეიბი მოსკოვის მიერ სირიაში ასადის რეჟიმის მხარდაჭერას უკავშირდება.

ჰეილის განმარტებით, სანქციების შესახებ ფინანსთა მინისტრი სტივენ მნუჩინი. ინტერვიუში მან აღნიშნა, რომ, პირველ რიგში, სანქციების შეეხებათ კომპანიებს, რომლებიც სირიის პრეზიდენტ ბაშარ ალ-ასადსა და ქიმიურ იარაღის გამოყენებას უკავშირდება.

"ასადმა იცოდა, რომ მას მხარს უჭერს რუსეთი, იცოდა, რომ გაეროში რუსეთი მას ხელს დააფარებდა, და ასადი დაუფიქრებლად მოიქცა. მან გამოიყენა ქიმიური იარაღი უფრო აგრესიული ფორმით გამოიყენა. უნდა გვესმოდეს, რომ ქიმიური იარაღის მინიმალურ გამოყენებასაც ვერ დავუშვებთ", - განაცხადა ჰეილიმ.

ჰეილის თქმით, სირიის სამთავრობო ბაზების დაბომბვა "ომის წამოწყებას" მიზნად არ ისახავდა".

აშშ-ს, ბრიტანეთისა და საფრანგეთის ავიაციამ სირიის სამთავრობო ბაზები 14 აპრილს, გვიან ღამით დაბომბა. მთავარი სამიზნე დამასკოში არსებული სამეცნიერო-კვლევითი ცენტრი იყო.

აშშ მოკავშირეებთან ერთად ასადის რეჟიმს მშვიდობიანი მოსახლეობის წინააღმდეგ ქიმიური იარაღის გამოყენებაში ადანაშაულებს. სირიის პრეზიდენტი ბაშარ ალ-ასადი ბრალდებებს უარყოფს.

სირიის სამთავრობო ძალების მხრიდან ქალაქ დუმაში განხორციელებული, ქიმიური შეტევის შედეგად 70 ადამიანი დაიღუპა, ხოლო დაახლოებით 500 საავადმყოფოებში ქიმიური ინტოქსიკაციის ნიშნებით მოხვდა. ქიმიური იარაღის გამოყენების ფაქტი დაადასტურა ჯანდაცვის მსოფლიო ორგანიზაციამაც.

გაიგეთ მეტი: