Nestlé-ს ნატურალურად ვარდისფერი შოკოლადის KitKat დიდ ბრიტანეთში გაყიდვაში 9 აპრილს გამოვიდა და მალე ის ევროპის სხვა ქვეყნებსა და ამერიკის მაღაზიებშიც გამოჩნდება. ინფორმაციას გარდიანი ავრცელებს.

ჯერჯერობით, უცნობია, იქნება თუ არა საქართველო იღბლიან ქვეყნებს შორის. აღიშნულ ინფორმაციას On.ge ნესტლესგან პასუხის მიღებისთანავე შემოგთავაზებთ.

ნატურალურად ვარდისფერი შოკოლადი 2017 წლის მიწურულს შეიქმნა. მის ფერს ქიმიური ნივთიერებები ან სხვადასხვა ხილის დანამატები არ განაპირობებენ. Ruby Chocolate ვარდისფერი კაკაოს მარცვლებისგანაა დამზადებული. აღნიშნული მცენარე ეკვადორში, ბრაზილიასა და კოტ-დ’ივუარიs სანაპიროებზე იზრდება.

შეიძლება ითქვას, რომ ახალშექმნილი შოკოლადის მსგავსი აქამდე არაფერი გაგისინჯავთ, რადგან კომპანიის განცხადებით, ვარდისფერ შოკოლადს "ხილის მძაფრი და უნიკალური არომატი აქვს".

ვარდისფერი კიტკეტი გაყიდვაში პირველად იაპონიაში გამოვიდა. ნესტლემ ეს მოვლენა ვალენტინობის დღესასწაულს დაამთხვია.