აზერბაიჯანის პრეზიდენტობის ერთ-ერთმა კანდიდატმა ჰაფიზ გაჯიევმა არჩევნებში ხმა თავის ოპონენტს ილჰამ ალიევს მისცა. ამის შესახებ გაჯიევმა თვითონ განაცხადა. ინფორმაციას meydan.tv ავრცელებს.

აზერბაიჯანის საპრეზიდენტო არჩევნები 2018 წლის ოქტომბერში უნდა ჩატარებულიყო, თუმცა თებერვალში პრეზიდენტ ილჰამ ალიევის განკარგულებით ვადამდელი არჩევნები 11 აპრილს დაინიშნა.

სულ პრეზიდენტობის რვა კანდიდატია. ქვეყნის ტერიტორიაზე 5,6 ათასზე მეტი საარჩევნო უბანია გახსნილი. უბნები ადგილობრივი დროით დილის რვა საათზე გაიხსნა და საღამოს შვიდ საათზე დაიხურება.