ხანძარს თბილისში ერთი ადამიანი ემსხვერპლა, დაშავებულია - სამი პირი. ცეცხლი, 6 აპრილს, დილით, კიევის ქუჩაზე, სახლის მეორე სართულსა და სახურავს გაუჩნდა.

ამ დროისთვის ხანძარი ლიკვიდირებულია.

"ადგილზე მობილიზებული იყო 13 სახანძრო სამაშველო ჯგუფი, იწვოდა 200 კვადრატული მეტრი და არსებობდა ხანძრის გავრცელების საშიშროება", - განუცხადა ჟურნალისტებს თბილისის საგანგებო სიტუაციების მართვის მთავარი სამმართველოს უფროსის მოადგილემ.

On.ge-ს შსს-ში უთხრეს, რომ გამოძიება სისხლის სამართლის 188-ე მუხლის მესამე ნაწილით დაიწყო. აღნიშნული მუხლი, გულისხმობს გაუფრთხილებლობით ნივთის დაზიანებას ან გადადგურებას, რამაც ადამიანის სიცოცხლის მოსპობა გამოიწვია.