საქართველოს პრეზიდენტმა დღეს, 4 აპრილს 64 მსჯავრდბეული შეიწყალა. მათგან ოთხი ქალია, ხოლო ორი არასრულწლოვანი.

"შეწყალების კომისიამ, რომელიც 28-29 მარტს მუშაობდა, სულ 335 პირის საქმეგანიხილა და პრეზიდენტს საკუთარი რეკომენდაციები მიაწოდა", - განაცხადა შეწყალების კომისიის თავმჯდომარემ, ზვიად ქორიძემ.

შეწყალებულთაგან 41 მსჯავრდებული, მათ შორის ერთი ქალი, დღესვე დატოვებს საპატიმრო დაწესებულებას. დანარჩენ 23 მსჯავრდებულს კი, რომელთაგან ორი ქალი და ორი არასრულწლოვანია, შეწყალების აქტით სხვადასხვა ფორმით შეუმცირდება ვადიანი თავისუფლების აღკვეთის სახით შეფარდებული სასჯელი.