2017-18 წლების ჩემპიონთა ლიგის მეოთხედფინალური ეტაპის პირველ შეხვედრაში ტურინის იუვენტუსი შინ მადრიდის რეალთან ანგარიშით 0:3 დამარცხდა.

ამ მატჩმა ტურინული და მადრიდული კლუბების დაპირისპირების ისტორიაში (და არამარტო) ბევრი რამ შეცვალა. ცხადია, ეს ცვლილებები ტურინელთა გულშემატკივრებს დიდად არ ესიამოვნებათ, თუმცა სტატისტიკა ყოველთვის საინტერესოა.

მაშ ასე, რეკორდები და ანტირეკორდები, რომელიც იუვენტუსისა და რეალის შეხვედრაში დამყარდა:

  • 1962 წლის შემდეგ მადრიდის რეალმა იუვენტუსი ტურინში პირველად დაამარცხა და შვიდმატჩიანი სერია დაასრულა.
  • 1962 წლის შემდეგ ევროტურნირების პირველ ეტაპზე საკუთარ კედლებში ეს იყო იუვენტუსის პირველი მარცხი საკუთარ კედლებში. ამით ტურინელებმა 61 მატჩიანი სერია შეწყვიტეს.
  • 1999 წლის შემდეგ ტურინის იუვენტუსმა ჩემპიონთა ლიგის პლეიოფში საკუთარ კედლებში პირველად გაუშვა 3 გოლი. მაშინ ტურინელები მანჩესტერთან დამარცხდნენ ანგარიშით 2:3.
  • ასეთი დიდი სხვაობით ტურინის იუვენტუსი თავის ახალ მოედანზე პირველად დამარცხდა.
  • რონალდუმ იუვენტუსს ჩემპიონთა ლიგაში მეცხრე გოლი გაუტანა - ამაზე მეტი გოლი ამავე ტურნირში ერთი გუნდისთვის არცერთ ფეხბურთელს არ გაუტანია (რონალდუსვე აქვს 9 გოლი აქვს გატანილი ბაიერნისთვის, ხოლო მესის არსენალისთვის).
  • დიბალას მიერ მიღებული წითელი ბარათი ტურინელებისთვის ჩემპიონთა ლიგაზე 24-ე იყო. ისინი ამ მაჩვენებლით პირველ ადგილზე არიან, ვინაიდან არცერთ სხვა კლუბს ჯერ 20 წითელი ბარათიც არ აქვს მიღებული.