შინაგან საქმეთა სამინისტროს თანამშრომლებმა 1 კგ ნარკოტიკული საშუალების საქართველოში შემოტანის ბრალდებით ერთი პირი დააკავა. უწყების ინფორმაციით, დაკავებული ბრაზილიდან დანიის გავლით მოდიოდა საქართველოში.

დღეს, 3 აპრილს გამართულ პრესკონფერენციაზე შსს-ში განაცხადეს, რომ ნარკოდანაშაულის ბრალდებით პირი თბილისის აეროპორტში დააკავეს.

საქმეზე გამოძიება განსაკუთრებით დიდი ოდენობით ნარკოტიკული საშუალებებში შეძენა-შენახვა-გადაზიდვის საქმეზე მიმდინარეობს.