ტურისტული კომპანია Geo Stumari 2018 წლის სექტემბერში, შავ ზღვაზე, 100 წყვილის ერთობლივი ქორწილის ჩატარებას გეგმავს.

ჩემი დიდი ქართული ქორწილი – ასე ჰქვია სამდღიან პროგრამას, რომლის მიზანიც წყვილებისთვის ქორწილის ორგანიზების პროცესი არიდებაა.

ფესტივალი ჩაქვში 14-17 სექტემბერს გაიმართება, რომელში მონაწილეობის მიღება როგორც ქართველ, ისე უცხოეთის მოქალაქეებს შეუძლიათ.

"ჩემი დიდი ქართული ქორწილი თანამოაზრეთა გრანდიოზული დღესასწაულია, ღია და თავისუფალი ადამიანებისთვის, ვისაც მხიარულება სურთ და არა პრობლემების დამატება", - ვკითხულობთ ვებგვერდზე.

პროგრამის ფარგლებში შედის Dreamland Oasis Hotel-ში დაბინავება, ზღვაზე 3-დღიანი დასვენება, საჩუქრები სპონსორებისგან და პირადი საქორწინო ალბომი.

30 აპრილამდე ერთი წყვილისთვის მომსახურების სრული პაკეტის შეძენა 3 000 დოლარი ღირს. "დიდ ქართულ ქორწილში" ადგილების შეძენა მაისისა და ივნისის პირველი რიცხვებიდან ძვირდება. ფასი იზრდება მეჯვარეებისთვის დამატებული სერვისების შეძენის შემთხვევაშიც.