პერსონალური მონაცემების ინსპექტორი საჯარო რეესტრის ყოფილი უფროსის, პაპუნა უგრეხელიძის მიერ გამოქვეყნებულ ფეისბუქსტატუსის გამო წინასწარი შესწავლა დაიწყო. პაპუნა უგრეხელიძემ იმ ქალის ვინაობა გაამხილა, ვინც მას სექსუალურ შევიწროებაში ადანაშაულებდა.

პერსონალური მონაცემთა ინსპექტორის აპარატის პრესსამსახურში On.ge-ს უთხრეს, რომ მათთვის ჯერ არავის მიუმართავს, თუმცა საკითხით დაინტერესდნენ.

ბოლო ათი დღის განმავლობაში საქართველოში ქალები სექსუალური შევიწროებაზე ალაპარაკდნენ და საჯარო პირებს ადანაშაულებენ. არასამთავრობო ორგანიზაცია სიდას ხელმძღვანელის, ზვიად დევდარიანის შემდეგ სექსუალურ შევიწროებაში საჯარო რეესტრის ხელმძღვანელი, პაპუნა უგრეხელიძე დაადანაშაულეს.

დღეს, 27 მარტს პაპუნა უგრეხელიძემ ფეისბუქზე თანამდებობის დატოვების შესახებ განცხადება გაავრცელა. იუსტიციის მინისტრმა, თეა წულუკიანმა მოთხოვნა დააკმაყოფილა.