29 მარტს, 11:00 საათზე ტექნოპარკში ღონისძიება ქალი და ინოვაცია გაიმართება, რომლის ფარგლებშიც მოწვეულია ისრაელში სტარტაპ ეკოსისტემის შემქმნელი, აქსელერატორების გავლენიანი მასწავლებელი, ფემ-ტეკის (Female Technology) ექსპერტი ტალ კატრანი.

ტალ კატრანს მეწარმე ქალთა მხარდამჭერ პროგრამებში მონაწილეობის დიდი გამოცდილება აქვს, შემუშავებული აქვს სტარტაპერთა წარმატების მექანიზმი. იგი არის 10 საერთაშორისო აქსელერატორი პროგრამის დამფუძნებელი სხვადასხვა ქვეყანაში. ტალ კატრანი ასევე ეწევა ე.წ. Angel Investor-ის საქმიანობასაც.

ქალი და ინოვაცია 2018 წლის 27-30 მარტს მე-4 ყოველწლიური კონფერენციის "ქალის როლი ეკონომიკურ ზრდასა და პოლიტიკის განვითარებაში" ფარგლებში იმართება.

ღონისძიებაზე დასწრება თავისუფალია.