თბილისში, რუსთაველის ქუჩაზე მომხდარ ავარიას ერთი ადამიანის სიცოცხლე ემსხვერპლა, დაშავებულია 5 პირი. როგორც On.ge-ს შსს-ში განუცხადეს, ერთმანეთს სამი ავტომობილი შეეჯახა.

დაშავებულები ინგოროყას კლინიკაში არიან გადაყვანილები. სასწრაფო სამედიცინო დახმარების სამსახურის ინფორმაციით, მათი ჯანმრთელობის მდგომარეობა მძიმეა.

გამოძიება სისხლის სამართლის კოდექსის 276-ე მუხლის მე-5 ნაწილით მიმდინარეობს. აღნიშნული მუხლი სატრანსპორტო საშუალების უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

შემთხვევის ამსახველ ვიდეოს ფეისბუქზე დათო ჭუმბურიძე ავრცელებს.