ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტო, მსოფლიო ბანკის მხარდაჭერით, ახორციელებს პროგრამას ინტერნეტი განვითარებისთვის, რომლის ფარგლებშიც, საქართველოს რეგიონებში, ადგილობრივი მეწარმეებისთვის იმართება უფასო ტრენინგები ციფრულ წიგნიერებასა და ელექტრონულ ბიზნესში.

მეწარმეები სწავლობენ, როგორ უნდა განათავსონ თავიანთი პროდუქტი / მომსახურება ინტერნეტში და მოიზიდონ დამატებითი მომხმარებელები Google-ის, Facebook-ის, Booking.com-ის, Airbnb-ის, Ebay-ის, TripAdvisor-ის და სხვა საერთაშორისო თუ ადგილობრივი პლატფორმების მეშვეობით.

გარდა ამისა, კურსის წარმატებით გავლის შემთხვევაში, სააგენტო მეწარმეებს უფასო ვებ-გვერდის დამზადების, ხარისხიანი კონტენტის შექმნისა და მაღალსიჩქარიან ინტერნეტში ჩართვის შესაძლებლობას სთავაზობს.

პროგრამის მიზანია საქართველოს რეგიონებში ფართოზოლოვან ინტერნეტზე ხელმისაწვდომობის გაზრდა და ელექტრონული კომერციის დონის ამაღლება.

ტრენინგები ჩატარდება:

23 მარტს:

  • მცხეთაში - მცხეთის მუნიციპალიტეტის მერიის შენობა - 12:00 საათზე.
  • ქარელში - ქარელის მუნიციპალიტეტის მერიის შენობა - 12:00 საათზე.

24 მარტს:

  • დუშეთში - ჭოპორტის ინოვაციების ცენტრი - 12:00 საათზე.
  • თიანეთში - თიანეთის მუნიციპალიტეტის მერიის შენობა - 16:00 საათზე.

25 მარტს:

  • გარდაბანში - გარდაბნის მუნიციპალიტეტის მერიის შენობა - 12:00-სა და 15:00 საათზე.
  • რუსთავში - რუსთავის მერიის შენობა - 12:00-სა და 15:00 საათზე