2002 წლის მსოფლიოს ჩემპიონატიდან 16 წლის შემდეგ ბრაზილიელმა "ფენომენმა" რონალდომ თავისი უცნაური ვარცხნილობის მიზეზი დაასახელა. როგორც ირკვევა, მას მედიის მხრიდან ტრავმების ნაცვლად ყურადღების ვარცხნილობაზე გადატანა სურდა:

"ფეხზე ტრავმა მქონდა მიღებული და ყველა ამის შესახებ საუბრობდა. გადავწყვიტე, რომ თმები შემეჭრა და წინ ცოტა დამეტოვებინა".

"ამის შემდეგ ყველა ამაზე საუბრობდა და ჩემი ტრავმები დაივიწყეს. ახლა უკვე შემეძლო, რომ კონცენტრირება მხოლოდ ვარჯიშებზე მომეხდინა" - აღნიშნა რონალდომ.

მისივე თქმით, იგი ამ ვარცხნილობით არ ამაყობს.

"იმ უცნაური ვარცხნილობით ნამდვილად არ ვამაყობ. უბრალოდ ეს კარგი გზა იყო ვითარების შესაცვლელად".