ფოტოგრაფი მარინა ემეირალი 2 წლის მანძლზე ისტორიული ფოტოების შეგროვებითა და მათი გაფერადებით იყო დაკავებული.

მისი ბოლო ნამუშევარი კი 14 წლის პოლონელი ტყვე გოგოს ისტორიას ასახავს.

ჰოლოკოსტის მსხვერპლი გოგოს გაფერადებული ფოტოები კიდევ უფრო მძიმე სანახავი აღმოჩნდა, რადგან ის მთელი სიცხადით გადმოსცემს პოლონელი ტყვეს ტრაგიკული ცხოვრების დასასრულს.

საქმე ის არის, რომ მეორე მსოფლიო ომის დროს, პოლონეთის ტერიტორიაზე ნაცისტურმა გერმანიამ ქალაქ ოსვენციმის სიახლოვეს "სიკვდილის ბანაკი" ააშენა, სადაც თავდაპირველად პოლიტიკურ პატიმრებს ათავსებდნენ, მოგვიანებით კი ბანაკების ქსელში ებრაელ, პოლონელ და სხვა ეროვნების სამხედრო ტყვეებსაც უყრიდნენ თავს.

1940-1945 წლებში, სიკვდილის ბანაკებში, მილიონზე მეტი ადამიანი მოკლეს. მსხვერპლთა შორის იყო 14 წლის პოლონელი ჩეზლავა კვოკაც, რომელის გარდაცვალების მიზეზიც დღემდე უცნობია.

ფოტო 1: Marina Amaral

ფოტო 1: Marina Amaral

ფოტო 1: Marina Amaral / ფოტო 2: Marina Amaral

"ხანგრძლივი მუშაობის პროცესში, ასეთი პატარა გოგოს სახის ყურება ძალიან ძნელია, რადგან ის სიძულვილის ნიადაგზე, უსამართლოდ მოკლული მილიონობით ადამიანიდან ერთ-ერთი იყო" - ამბობს მარინა.

ორიგინალური ფოტოების ავტორი აუშვიცში, გერმანიის მთავრობის მიერ აშენებული საკონცენტრაციო ბანაკის ფოტოგრაფი ვილჰელმ ბრაისია.