აშშ-ის პრეზიდენტს, დონალ ტრამპს ვლადიმერ პუტინისთვის არჩევნებში გამარჯვება არ მიულოცავს. პრეზიდენტის პრესმდივანმა, ჰოგან გიდლიმ ჟურნალისტებს განუცხადა, რომ პუტინის გამარჯვება ვაშინგტონისთვის სიურპრიზი არ ყოფილა, ხოლო კრემლში სატელეფონო საუბარი დაგეგმილი არ იყო.

მან, ასევე, განაცხადა, რომ რუსეთთან თანამშრომლობას გააგრძელებენ იმ სფეროებში, რომელშიც ეს შესაძლებელია.

პუტინის გამარჯვება პირველად მიულოცეს ჩინეთის სახალხო რესპუბლიკის, აზერბაიჯანის, ბელორუსის, სომხეთის, უნგრეთის, უზბეკეთის, ვენესუელას, თურქმენეთის, ყაზახეთის, ტაჯიკეთის, კუბის, მოლდოვასა და ყირგიზეთის ლიდერებმა. ასევე, მისალოცი წერილები გააგზავნეს დე ფაქტო სამხრეთ ოსეთისა და აფხაზეთის რესპუბლიკების პრეზიდენტებმა.

დონალდ ტრამპისგან განსხვავებით, კრემლში დარეკა საფრანგეთის პრეზიდენტმა, ემანუელ მაკრონმა. თუმცა, როგორც ფრანგული პრესა წერს, მაკრონს გამარჯვება არ მიულოცავს, არამედ ქვეყნის მოდერნიზებაში წარმატება უსურვა.

გერმანიის კანცლერმა, ანგელა მერკელმა ორშაბათს, 19 მარტს, ვლადიმერ პუტინს წერილი გაუგზავნა, რომელშიც მას გამარჯვება მიულოცა და აღნიშნა, რომ ქვეყნებს შორის დიალოგი უნდა გაგრძელდეს.

ვლადიმერ პუტინს გამარჯვება ოფიციალური განცხადებით მიულოცეს თურქეთის პრეზიდენტმა, რეჯეფ თაიფ ერდოღანმა და ისრაელის პრემიერ-მინისტრმა ბინიამინ ნეთანიაჰუ.