რუსეთი დიდი ბრიტანეთის ბრალდებებს სკრიპალის მოწამვლასთან დაკავშირებით არ უპასუხებს, თუ საქმის მასალებთან წვდომა არ ექნება. ამის შესახებ განცხადება რუსეთის საგარეო საქმეთა მინისტრმა, სერგეი ლავროვმა განაცხადა.

მან განმარტა, რომ იმ მომწამვლელ ნივთიერებაზე წვდომას ითხოვს, რომელიც სკრიპალისა და მისი შვილის წინააღმდეგ გამოიყენეს. რუსეთმა უკვე მიმართა მსგავსი მოთხვნით, თუმცა უარი მიიღო. საგარეო უწყების ხელმძღვანელმა განაცხადა, რომ ქიმიური იარაღის აკრძალვის შესახებ კონვეციის მიხედვით, ლონდონს მოსკოვისთვის უნდა მიემართა და პასუხისთვის 10-დღიანი ვადა მიეცა.

გუშინ, 12 მარტს, დიდი ბრიტანეთის პრემიერ-მინისტრმა, ტერეზა მეიმ განცხადა, რომ სკრიპალები მოწამლეს ნივთიერებით, რომელიც რუსეთში დაამზადეს.

პრემიერის თქმით, სკრიპალის მოკვლისთვის ნერვულ-პარალეპტიკური ნივთიერება გამოიყენეს, რომელიც ცნობილია სახელწოდებით ნოვიჩოკ (ახალბედა). მანვე განაცხადა, რომ, სავარაუდოდ, მკვლელობს მცდელობაში რუსეთის ხელისუფლებაც მონაწილეობდა.

დიდი ბრიტანეთის ვერსიას მაშშ-ის სახელმწიფო მდივანმა, რექს ტილრსონმაც დაუჭირა მხარი.