შსს-ს გენერალური ინსპექციის და ცენტრალური კრიმინალური პოლიციის თანამშრომლებმა, ვაკე-საბურთალოს სამმართველოს მე-7 განყოფილების დეტექტივის თანაშემწე-გამომძიებელი, ნარკოტიკის შეძენა-შენახვისა და გასაღების ბრალდებით დააკავეს.

გამოძიების ვერსიით, ბ.ა.-მ ერთ-ერთ მოქალაქეს უკანონოდ მიჰყიდა "ტეტრაჰიდროკანაბინოლის" შემცველი ნარკოტიული საშუალება.

გამოძიება ნარკოტიკული საშუალების უკანონო შეძენა-შენახვა-გასაღების ფაქტზე მიმდინარეობს, საქართველოს სსკ-ს 260-ე მუხლის 1-ლი და მე-4 ნაწილებით. დანაშაული 6-დან 11 წლამდე ვადით თავისუფლების აღკვეთას ითვალისწინებს.