10 ივლისს, პროექტი Chek in Georgia-ს ფარგლებში ფესტივალი არტ-გენი 2016-ის თბილისური ტურნე გაიხსნება.

8 ივლისს, გიორგი ჩიტაიას სახელობის ეთნოგრაფიულ მუზეუმში ფესტივალ არტ-გენთან დაკავშირებით პრესკონფერენცია გაიმართა. პრესკონფერენციაზე წარადგინეს ფესტივალის პროგრამა.

10 ივლისს, გიორგი ჩიტაიას სახელობის ეთნოგრაფიულ მუზეუმში არტ-გენი 2016-ის თბილისური ტური გაიხსნება. ფესტივალი ანსამბლ სუხიშვილების კონცერტით გაიხსნება. ღონისძიებაში მონაწილეობას მიიღებენ სამცხე-ჯავახეთისა და სამეგრელოს ფოლკლორული ანსამბლები.

ფესტივალის მთავარი თემაა „დავუბრუნდეთ სოფელს“. ფესტივალს რვა დღიანი პროგრამა აქვს. ყოველდღე 12 საათიდან, ეთნოგრაფიულ მუზეუმში წარმოდგენილი იქნება ხალხური რეწვისა და თანამედროვე ხელოვნების გამოფენები. რეგიონის წარმომადგენელთა ფოლკლორული კონცერტები, პანტომიმის თეატრის სპექტაკლი, „შავფაროსნების“ ქართული საბრძოლო ხელოვნების წარმოდგენა და დასკვნითი კონცერტები თანამედროვე მუსიკალური ჯგუფებისა და ინდივიდუალური შემსრულებლების მონაწილეობით.

პროგრამა:

თბილისი, ეთნოგრაფიული მუზეუმი

  • 10 ივლისი - ანსამბლი "სუხიშვილები"; სამცხე-ჯავახეთისა და სამეგრელოს ფოლკლორული ანსამბლები;
  • 11 ივლისი - ჯგუფი "გამოუვალი მდგომარეობა"
  • 12 ივლისი - ანსამბლი "ჩვენებურები"
  • 13 ივლისი - ჯგუფი "რეგიონი"
  • 14 ივლისი - რობი კუხიანიძე და "აუტსაიდერი"
  • 15 ივლისი - ჯგუფი "ფრანი"
  • 16 ივლისი - ნინო ქათამაძე და ჯგუფი "ინსაითი"
  • 17 ივლისი - ნიაზ დიასამიძე და ჯგუფი "33 ა"

წელს ფესტივალი 28 მაისს ბოლნისში გაიხსნა, რის შემდეგ მორიგი რეგიონული ტურნე სურამში გაიმართა და ქობულეთში დაიხურა.

პროექტის Check in Georgia-ს ფარგლებში, ფესტივალი საქართველოს კულტურისა და ძეგლთა დაცვის სამინისტროსა და თბილისის მერიის კულტურული ღონისძიებების ცენტრის მხარდაჭერით ხორციელდება.