მსოფლიოს უმდიდრესი ადამიანების სიაში პირველ ადგილზე Amazon-ის დამფუძნებელი ჯეფ ბეზოსია. მან ამ სიაში Microsoft-ის დამფუძნებელი ბილ გეიტსი ჩაანაცვლა. უმდიდრესი ადამიანების განახლებული სია ჟურნალმა Forbes-მა 6 მარტს გამოაქვეყნა.

ბეზოსის მიერ დაარსებული Amazon-ის ღირებულება უკანასკნელი 12 თვის განმვალობაში 59 პროცენტით გაიზარდა, რეიტინგების დათვლის ისტორიაში, რეკორიდული იყო. მის პირადი ქონება $39 მილიარდით გაიზარდა და $112 მილიარდს გაუტოლდა.

გასული, 2017 წელი, წარმატებული იყო Arnault Groupe-ის დამაარსებელისთვის, ბერნარ არნოსთვისაც. არნოს ქონება 2017 წელს $30,5 მილიარდით გაიზარდა და ჯამურად $72 მილიარდი გახდა. ამ მაჩვენებლით იგი ყველაზე მდიდარი ევროპელია, ხოლო მსოფლიო სიაში მეოთხე ადგილს იკავებს. მის მიერ დაარსებულ ჰოლდინგის ეკუთვნის Christian Dior, Hennessy, Louis Vuitton და სხვა.

მილიარდელთა რეიტინგში საქართველოს ერთადერთი მოქალაქე ბიძინა ივანიშვილი მოხვდა. Forbes-მა ივანიშვილის ქონება $4,6 მილიარდით შეაფასა. ამ მაჩვენებლით იგი სიის 456-ე ადგილს იკავებს

2017 წელი წარუმატებელი აღმოჩნდა აშშ-ის მოქმედი პრეზიდენტისთვის დონალდ ტრამპისთვის. ტრამპის ქონება ბოლო 12 თვის განმავლობაში $400 მილიონით შემცირდა.

ტრამპის ქონების შემცირების მიუხედავად, სიაში შემავალი ბიზნესმენების ჯამური ქონება 18 პროცენტით გაიზარდა და $9,1 ტრილიონს გაუტოლდა. სიის პირველი ოცეულის ქონების ჯამური ღირებულება კი - $1,2 ტრილიონი გახდა, რაც მექსიკის ეკონომიკის ჯამურ სიდიდეს უტოლდება.

Forbes უმდიდრესი ადამიანების რეიტინგს 1987 წლიდან ითვლის. სიაში 72 ქვეყნის 2 208 მილიარდელია. მილიარდელთა რაოდენობით კვლავ აშშ (585) ლიდერობს, მეორე ადგილს კი ჩინეთი (476) იკავებს. საუდის არაბეთში მიმდინარე მოვლენების გამო, გამოცემამ თავის რეიტინგში არ შეიყვანა სამეფოს მოქალაქეები. კორუფციული სკანდალის გამო რამდენიმე თვით საპატიმროში მოხვდა სამეფო ოჯახის არაერთი წევრი მათ შორის რამდენიმე მილიარდელი.

მილიარდელთა წლევანდელ რეიტინგში 259 დებიუტანტია აქედან 89 კი ჩინეთის მოქალაქეა. წელს რეიტინგში პირველად მოხვდნენ უნგრეთისა და ზიმბაბვეს მოქალაქეები.