გვინდა, ნამდვილი თბილისური ისტორია მოგიყვეთ მეგობრობის შესახებ.

#54 მიკროავტობუსის მძღოლი და ძაღლი ერთმანეთს დაუმეგობრდნენ. ის მას აჭმევს, ეფერება, ცხოველი კი მადლობას ასე უხდის - დიდი დიღმის მეოთხე მიკრორაიონიდან სახელმწიფო უნივერსიტეტის მაღლივ კორპუსამდე მიჰყვება.

ამ ისტორიას ფეისბუქზე თეკლა კალანდაძე გვიყვება და ვიდეოსაც აქვეყნებს:

"ამ მორბენალ საოცრებას ხომ ხედავთ? მძღოლს აცილებს. არ გეგონოთ, იტანჯება. პირიქით! ერთ-ერთ გაჩერებაზე უცებ ჩავირბინე და საშინლად დაქანცული ავტობუსში ამოვიყვანე. ძლივს სუნთქავდა, მაგრამ უბედნიერესი იყო! კუდს აქიცინებდა, ყველას შესციცინებდა, მძღოლს განსაკუთრებით. არ გაჩერდა, გაიღო თუ არა გაჩერებაზე კარები, იმ წუთასვე ქვემოთ ჩაირბინა და მოემზადა მორიგი სტარტისთვის! კარის დაკეტვა და მისი ადგილიდან მოწყდომაც ერთი იყო".

ნახეთ ვიდეო: