სლოვაკეთის პრეზიდენტმა ანდრეი კისკამ კვირას განაცხადა, რომ ჟურნალისტის, იან კუჩიკისა და მისი საცოლის მკვლელობის შემდეგ მთავრობა უნდა შეიცვალოს ან ვადამდელი არჩევნები ჩატარდეს.

"მთავრობის მიმართ საზოგადოების მხრიდან დიდი უნდობლობაა. ბევრს სამართალდამცავი ორგანოების არ სჯერა. ეს უნდობლობა გამართლებულია. ჩვენ ხაზი გადავკვეთეთ, ყველაფერი ძალიან შორს წავიდა და უკან დასახევი გზა არაა", - განაცხადა კისკამ.

ანდრეი კისკა

ფოტო: AP

მისივე თქმით, უახლოეს დღეებში ქვეყნის ლიდერებს გაესაუბრება, რათა ხალხის ნდობა დაიბრუნონ, რომელიც იან კუჩიკისა და მისი საცოლის, მარტინა კუსნიროვას მკვლელობით დაიკარგა.

ქვეყნის პრემიერ-მინისტრმა და პრეზიდენტის პოლიტიკურმა ოპონენტნმა რობერტო ფუციმ შემოთავაზება უარყო.

26 თებერვალს, 27 წლის იან კუჩაკი და მარტინა კუსნიროვა ბინაში ცეცხლსასროლი იარაღით მოკლულები იპოვეს. პოლიციის ხელმძღვანელის თქმით, მკვლელობის მოტივი, სავარუდოდ, კუჩიკის ჟურნალისტური საქმიანობა იყო.

რობერტ ფიცომ გამომძიებელი ჟურნალისტის იან კუჩიკის მკვლელობაზე ინფორმაციისთვის ერთი მილიონი ევროს ჯილდოც დააწესა.

სლოვაკი ჟურნალისტი იან კუჩაკი ევროპული ფონდების ფულით თაღლითობის შემთხვევებსა და იტალიური მაფიოზური დაჯგუფების ნდრანგეტას მონაწილეობას იძიებდა. ამის შესახებ კუჩაკის ბრიტანელმა კოლეგამ განაცხადა. კუჩაკს მიაჩნდა, რომ კორუფციაში სლოვაკი პოლიტიკოსებიც არიან ჩართულები.

კუჩაკი სამი წლის განმავლობაში Aktuality.sk მუშაობდა. როგორც მალტელი მოკლული ჟურნალისტი, დაფნა კარუანა გალიცია, ისიც პანამის დოკუმენტებზე მუშაობდა.