37 წლის ალტონ სტერლინგი პოლიციელებმა დაკავებისას მოკლეს ბატონ რუჯში, ლუიზიანას შტატში, რასაც მასობრივი პროტესტი მოჰყვა.

ინტერნეტით გავრცელდა ფაქტის ამსახველი ვიდეო. ვიდეოში ჩანს, რომ პოლიციის ოფიცერმა წააქცია სტერლინგი და ზედ დააწვა. მეორე ოფიცერმა იარაღი დაუმიზნა და მოძრაობის შემთხვევაში სროლით დაემუქრა. ამის შემდეგ ისმის ორი გასროლა. გასროლის მომენტში კამერა რამდენიმე წამით შეტრიალდა. მომდენო კადრში კი ჩანს მკერდში დაჭრილი ალტონ სტერლინგი. ერთ-ერთ ოფიცერი ისევ უმიზნებს სტერლინგს იარაღს, მეორე კი ჩხრეკს მას და იღებს აირაღს ჯიბიდან.

The Guradian-ის ინფორმაციით, მომხდარის შემდეგ პოლიცია ცდილობდა ირგვლივ არსებული სამეთვალყურეო კამერის ჩანაწერები ამოეღო. აბდულა მუფლათის, რომელიც იქვე მდებარე მაღაზიის მფლობელია, პოლიციამ ორდერის გარეშე მოსთხოვა ჩანაწერის გაცემა. მეორე ვიდეო, რომელიც მუფლათიმ საკუთარი ტელეფონით გადაიღო, სოციალურ ქსელში ათასობით ადამიანმა ნახა.

პროცესის მონაწილე ორივე ოფიცერი ანაზღაურებად შვებულებაში გაუშვებს, სანამ იუსტიციის დეპარტამენტი საქმეს იძიებს.

ვიდეოს გავრცელების შემდეგ ქალაქში მასობრივი საპროტესტო აქციები დაიწყო. მოსახლეობა საქმის მიუკერძოებლად გამოძიებას ითხოვს. ლუიზიანას გუბერნატორმა, ჯონ ბელ ედვარდსმა, მოსახლეობას სიმშვიდისკენ მოუწოდა და მისცა პირობა, რომ საქმეს დეტალურად გამოიძიებენ.

მოგვიანებით, მომხდართან დაკავშირებით კომენტარი გააკეთა საპრეზიდენტო კანდიდატმა ჰილარი კლინტონმა. მან სტერლინგის მკვლელობა სხვა აფროამერიკელი მოქალაქეების გახშირებულ მკვლელობებს დაუკავშირა. კლინტონმა განაცხადა, რომ ქვეყანაში არასწორი დამოკიდებულებაა გავრცელებული, რადგან ამერიკა არ აღიქვამს განსხვავებული კანის ფერის გამო ადამიანებს ნაკლებად მნიშვნელოვნად, იუწყება The Guardian.