თბილისის სააპელაციო სასამართლომ ძალაში დატოვა საქალაქო სასამართლოს გამოტანილი გამამტყუნებელი განაჩენი, რომლის თანახმად კონსტიტუციური დეპარტამენტის ყოფილი ხელმძღვანელი, დათა ახალაია ე.წ. ნავთლუღის სპეცოპერაციის საქმეზე დამნაშავედ სცნეს განზრახ მკვლელობაში, მტკიცებულებათა ფალსიფიკაციაში და სამსახურებრივი უფლებამოსილების გადამეტებაში.

ამის შესახებ ინფორმაციას მთავარი პროკურატურა ავრცელებს. სააპელაციო სასამართლოში სხდომა დღეს, 27 თებერვალს გაიმართა. დათა ახალაიას 12 წლით თავისუფლების აღკვეთა განესაზღვრა.

რაც შეეხება კუდ-ის ყოფილ მაღალჩინოსანს გიორგი დგებუაძეს, იგივე "მასტერას", სასამართლომ ნავთლუღის სპეცოპერაციის საქმეში ისიც დამნაშავედ ცნო 25/109 მუხლით, რაც განზრახ მკვლელობაში დახმარებას გულისხმობს. მას 9-წლიანი პატიმრობა მიესაჯა.