მართალია, ჩვენს დროში ტექნოლოგიური მიღწევები აღარავის უკვირს (შეგახსენებთ, რომ ცოტა ხნის წინ ილონ მასკის კომპანიამ გიგანტური რაკეტა გაუშვა კოსმოსში), მაგრამ ამ გამოგონებამ მაინც უამრავი ადამიანის ყურადღება მიიპყრო.

"დიდების" საიტმა, CamSoda გამოუშვა ვიბრატორი, რომელიც მომხმარებლის ორგაზმისთანავე უზარმაზარ პიცას უკვეთავს დომინოდან.

ვიბრატორის სპეციალური ღილაკი Amazon Dash-ის პრინციპით მუშაობს. ბარათის მონაცემების შეყვანა და სასურველი პიცის არჩევა კი ერთადერთხელ მოგიწევთ.


CamSoda-ს ვიცეპრეზიდენტი, დარინ პარკერი ამბობს: "მასტურბაცია, მართალია, სასიამოვნოა, მაგრამ ფიზიკური დატვირთვაც არის, რაც გარკვეულ ენერგიას მოითხოვს. მასტურბაციის შემდეგ შიმშილის შეგრძნება სრულიად ბუნებრივი მოვლენაა".

ეს პირველი შემთხვევა არაა, როცა CamSoda-მ იუმორის გრძნობითა და ინოვაციურობით დაამახსოვრა საზოგადოებას თავი. ამავე კომპანიას ეკუთვნის ვიბრატორი ბიტკასტი, რომლის ზუზუნის ინტენსივობაც კრიპტოვალუტების აწევა-დაწევაზეა მიბმული.