რეალითი შოუს ვარსკვლავის, კაილი ჯენერის ერთი ტვიტი სნეპჩეტს 1,3 მილიარდი დოლარი დაუჯდა.

კიმ კარდაშიანის უმცროსმა ნახევარ-დამ დაწერა, რომ აპლიკაციას აღარ იყენებდა:

"აბა, არის კიდევ ვინმე, ვინც სნეპჩეტს აღარ ხსნის? თუ მხოლოდ მე? რა სევდიანია" - დაწერა კაილიმ.

კაილის ტვიტი სნეპჩეტის ახალ დიზაინს ეხება, რომლითაც უამრავი ადამიანი უკმაყოფილოა. მილიონმა მომხმარებელმა უკვე მოაწერა ხელი პეტიციას, სნეპჩეტისთვის ძველი დიზაინის დაბრუნებაზე.

ჯენერის პოსტის შემდეგ სნეპჩეტის წილების ფასი 8%-ით დაეცა და ახლა გასული წლის მარტის ღირებულება აქვს. მას ასევე ჰყავს ისეთი კონკურენტები, როგორებიც არიან ფეისბუკი და ინსტაგრამი. ინვესტორები კი ისეთი ცნობილი სახის უკმაყოფილებამ, როგორიც კაილი ჯენერია, კიდევ უფრო დააფრთხო.

"ისევ მიყვარხარ სნეპ... ჩემო პირველო სიყვარულო" - დაწერა მოგვიანებით ჯენერმა.