საპარტნიორო ფონდი მთის ღორის გადარჩენის პროექტში $12 მილიონს დახარჯავს და ხორცპროდუქტების გადამამუშავებელ საწარმოს შექმნის. ამის შესახებ ფონდის აღმასრულებელმა დირექტორმა, დავით საგანელიძემ პალიტრანიუსისთვის მიცემულ ინტერვიუში განაცხადა.

საგანელიძის თქმით, პროექტის ფარგლებში ქართული მთის ღორისგან ჰამონის და რაჭული ლორის წარმოება დაიწყება. მისივე თქმით, პროექტის ფარგლებში 56 ქართული ჯიშის ღორს სურათები გადაუღეს და გენეტიკური ანალიზი ჩაუტარეს.

"ამ 56-დან საბოლოოდ შეირჩა 11-12, საიდანაც ჩვენ დავიწყეთ მომრავლება სუფთა ქართული ჯიშის ღორის, რომელიც თავისი მაჩვენებლებით უსწორდება ცნობილ ესპანურ ღორის ჯიშს იბერიკოს. ალბათ, უსწრებს კიდეც. ჩვენი ესპანელი პარტნიორები აღფრთოვენებულები არიან იმ შედეგებით, რაც უკვე მივიღეთ. ძალიან დიდი საწარმო რაჭაში შენდება."

საგანელიძის თქმით, საწარმოს გაზაფხულის ბოლოს ან ზაფხულის დასაწყისში გაიხსნება.

საპარტნიორო ფონდი სახელმწიფო საინვესტიციო ფონდია, რომელიც 2011 წელს დაარსდა.