არაბულ გამოცემა Asharq Al Awsat, რომლის ბიურო ლონდონშია წერს, რომ ლიბიელი დიქტატორი მუამარ კადაფი დასავლეთელი ლიდერების საპრეზიდენტო კამპანიებს აფინანსებდა.

როგორც გამოცემა წერს, უკრაინული ოპოზიციური პარტიის ბატკივშინას ლიდერის, იულია ტიმოშენკოს 2010 წლის საპრეზიდენტო კამპანიისთვის კადაფმა €4 მილიონზე მეტი გამოყო. გამოცემა კადაფის შვილის გარემოცვაში მყოფ პირზე დაყრდნობით წერს.

"ფული მაშნდელმა პრემიერ-მინისტრმა შეუკვეთა, და ჩანთაში 500-ევროიანი კუპიურებით იყო დაფასოებული. ჩვენ კერძო თვითმფრინავით გავემგზავრეთ, კიევის აეროპორტში შეგვხვდნენ, ერთ ღამე გავატარეთ და უკან დავბრუნით. ფული უკრაინის მაშინდელმა ვიცე-პრემიერმა [ტიმოშენკომ] მიიღო", - ამბობს წყარო.

რადიო თავისუფლების უკრაინული ბიურო წერს, რომ დაფინანსებასთან დაკავშირებული ბრალდებები ტიმოშენკოს პრესსამსახურმა უარყო.

ნიკოლა სარკოზი და მუამარ კადაფი

ფოტო: AFP

საერთაშორისო გამოცემის თქმით, კადაფის მთავრობამ აშშ-ის 2004 წლის საპრეზიდენტო არჩევნებისთვის ერთ-ერთი კანდიდატის კამპანია $5 მილიონით დააფინანსა. ამასთან დაკავშირებით აშშ-ში ოფიციალურ პირებს განცხადება ჯერ არ გაუკეთებიათ.

წყაროს ინფორმაციით, 2007 წელს ნიკოლა სარკოზის წინასაარჩევნო კამპანია €50 მილიონზე მეტი დააფინანსეს. სარკოზიმ ბრალდებები უარყო. გამოცემის ანონიმური წყარო ამბობს, რომ დაფინანსების სანაცვლოდ სარკოზი ლიბანთან საფრანგეთის ურთიერთობის დალაგებას პირდებოდა.