საერთაშორისო გამჭვირვალობა - საქართველოს კვლევის მიხედვით, ზესტაფონის მერიაში თანამდებობის ოთხმა პირმა დეკლარაცია არასწორად შეავსო, ორ თანამშრომელი კი კანონთან შეუთავსებელი საქმიანობითაა დაკავებული. ორგანიზაციამ 2017-2018 წლებში ჯამში 30 დეკლარაცია შეისწავლა.

არადეკლარირებული ქონება

კახაბერ მახათაძე - ზესტაფონის მუნიციპალიტეტის მერი

მერმა 2018 წლის იანვარში შევსებულ დეკლარაციაში არ მიუთითა, რომ შპს იმერეთი 777-ის 34 პროცენტიანი წილის მფლობელია. მის დეკლარაციაში ასევე არ იყო ასახული ცოლის წილები კომპანიებში შპს MATO (50%); შპს მწვანე კონცხი (10%) და შპს თბილისის ტაქსი (50).

კვლევის მიხედვით, მერის კომპანიამ შპს იმერეთი 2011-მა, რომლის 65 პროცენტსაც ის ფლობს, 2012-2015 წლებში გამარტივებული შესყიდვის საფუძველზე 9 ხელშეკრულება გააფორმა. ამ ხელშეკრულებებიდან ორი, რომელთა ღირებულებად 3 446 ლარი იყო, ზესტაფონის მუნიციპალიტეტთან დაიდო.

მერმა 2016 წელს ქართულ ოცნებას 50 ათასი ლარი, 2017 წელს კი - 40 ათასი ლარი შესწირა.

მაია ხვედელიძე - ზესტაფონის მერიის განათლების, კულტურის, სპორტისა და ახალგაზრდულ საქმეთა სამსახურის უფროსი


ხვედელიძემ 2017 წელს შევსებულ დეკლარაციაში არ მიუთითა, რომ მისი ფლობს შპს როიალ კომფორტის 50 პროცენტიან წილს და ამავდროულად არის კომპანიის დირექტორი.

კობა გოჩელეიშვილი - ზესტაფონის საკრებულოს განათლების, კულტურის, სპორტის, ტურიზმის განვითარებისა და ახალგაზრდულ საქმეთა კომისიის თავმჯდომარე

წელს შევსებულ დეკლარაციაში არ აღნიშნა, რომ ეკუთვნის შპს ალმაკოს 33 პროცენტიანი წილი.

ტარიელ ხუსკივაძე - ზესტაფონის საკრებულოს იურიდიულ საკითხთა კომისიის თავმჯდომარე

ხუსკივაძის დეკლარაციის შევსებისას საერთაშორისო გამჭვირვალობა - საქართველომ აღმოაჩინა, რომ ის ფლობს შპს კატის 34 პროცენტიან წილს და არის კომპანიის დირექტორი. ორგანიზაციის განმარტებით, საჯარო სამსახურში ინტერესთა შეუთავსებლობისა და კორუფციის შესახებ კანონის მოთხოვნათა დარღვევას, რომლის თანახმადაც თანამდებობის პირს არ აქვს უფლება იყოს სამეწარმეო დაწესებულების ხელმძღვანელი.

ტენდერები

ზესტაფონის მერიის ინფრასტრუქტურის, კეთილმოწყობისა და საზოგადოებრივი მომსახურების სამსახურის უფროსის, დავით მესხიშვილის მამის, ნოდარ მესხიშვილის კომპანიამ შპს ზესტაფონპროექტმა ზესტაფონის მუნიციპალიტეტის მერიის 20 ტენდერი მოიგო, რომელთა საბაზრო ღირებულება, დაახლოებით, 87 000 ლარია. ნოდარ მესხიშვილის კომპანიის 30 პროცენტიან წილს ფლობს და ამავდროულად მისი დირექტორია.