საქართველოს კალათბურთელთა ეროვნული ნაკრების კაპიტანი ზაზა ფაჩულია, დალასიდან კარიერას გოლდენ სტეიტში გააგრძელებს. ინფორმაციას ამერიკული პრესა ავრცელებს Yahoo News-ის სპორტის ჟურნალისტ, შამს ჩარანიაზე დაყრდნობით.

არსებული ინფორმაციით, ფაჩულიას აგენტმა ერთწლიანი კონტრაქტი გააფორმა გოლდენ სტეიტთან, რომლის მიხედვითაც ის წელიწადში $2,9 მილიონს მიიღებს.

ზაზა ფაჩულიამ ბოლო სეზონი დალასში გაატარა, სადაც 76 მატჩი ჩაატარა, აქედან 69-ში სასტარტო შემადგენლობაში იყო.

რაც შეეხება გოლდენ სტეიტს, ისტორიაში გუნდმა NBA 4-ჯერ 1947, 1956, 1975 და 2015 წლებში მოიგო.