დღეს პანორამა თბილისის ლანდშაფტის ზონაში მშენებლობის წინააღმდეგ მოქალაქეებმა საქალაქო სასამართლოში სარჩელი შეიტანეს.

პანორამა თბილისის მშენებლობის ნებართვა კანონის დარღვევითაა გაცემული და უგულებელყოფილია ლანდშაფტის დაცვის ზონის შესაბამისი რეჟიმებით დადგენილი რეგულაციები - განაცხადა პრესკონფერენციაზე "ინიციატივა საჯარო სივრცისთვის" წარმომადგენელმა ანანო ციცნაბაძემ.

სარჩელის არგუმენტები "ინიციატივა საჯარო სივრცისთვის" მიერ ჩატარებულ სამართლებლივ კვლევას ეყრდნობა. ორგანიზაციამ შეისწავლა ქალაქდაგეგმარების დარგში ქართული კანონმდებლობა და დაადგინა, რომ:

  • "ქალაქ თბილისის მუნიციპალიტეტის მხრიდან უგულებელყოფილია კულტურული მემკვიდრეობის დაცვის ზოგადი ზონების დამდგენი დოკუმენტი"
  • "ისტორიული დაცვის ზოგადი ზონის არარსებობის გამო, გენერალურ გეგმებში ამ ტერიტორიებზე დარჩენილი ფუნქციური ზონები ზედმეტი დაბრკოლების გარეშე ხდებოდა ქალაქის მუნიციპალური ორგანოების მიერ ცვლის ობიექტი. შედეგად, მივიღეთ დაცვის ზონისგან თავისუფალი ტერიტორიები, სადაც დასაშვები გახდა მასშტაბური მშენებლობები"
  • ისტორიული ლანდშაფტის დაცვის ზონის შესაბამისი, რეჟიმებით დადგენილი "რეგულირების თავიდან აცილებით გაიცა მშენებლობის ნებართვები პროექტისათვის “პანორამა თბილისი""

დოკუმენტს ხელს 5 არასამთავრობო ორგანიზაცია და 3 მოძრაობა აწერს:

  • ინიციატივა საჯარო სივრცისთვის
  • ადამიანის უფლებების სწავლებისა და მონიტორინგის ცენტრი EMC
  • მწვანე ალტერნატივა
  • აღმოსავლეთ პარტნიორობის ხელოვნებისა და კულტურის საბჭო
  • საქართველოს ახალგაზრდა მწვანეები
  • პარტიზანული მებაღეობა თბილისი
  • თბილისის ჰამქარი
  • მწვანე მუშტი