საქართველოს პარლამენტში ჯანდაცვის კომიტეტის სხდომა მიმდინარეობს, სადაც შრომის უსაფრთხოების შესახებ კანონპროექტი განიხილება. საქართველოს მთავრობის საპარლამენტო მდივანმა, შალვა თადუმაძემ ის სფეროები ჩამოთვალა, რომელზეც კანონმდებლობა შეიძლება გავრცელდეს.

მისი თქმით, ეს არის ის მინიმალური ჩამონათვალი, რომელზეც კანონი გავრცელდება.

კანონპროექტი გავრცელდება:

  1. მშენებლობა და სამშენებლო მასალების წარმოება;
  2. სამთო-გეოლოგიური სამუშაოები;
  3. მეტალურგიული წარმოება;
  4. ელექტროენერგეტიკა ;
  5. ნავთობისა და გაზის მრეწველობა;
  6. ქიმიური წარმოება;
  7. ლითონდამუშავება;
  8. მინის წარმოება;
  9. მერქნის დამამუშავებელი წარმოება;
  10. საფეიქრო და მსუბუქი მრეწველობა;
  11. ტრანსპორტი.

მიუხედავად EMC-ის შეთავაზებისა კანონპროექტში გარდამავალი დებულების სახით არ ჩაიწერა, რომ 2019 წლიდან ყველაზე გავრცელდებოდა კანონი. მათ შორის საჯარო და მომსახურების სფეროზე. მომხსენებლის თქმით, კანონი დარჩება იმ ჩარჩოში, რაც წარმოდგენილია და რასაც მთავრობა დაამტკიცებს.