უკრაინიდის ოპოზიციური პარტიის ლიდერი, მიხეილ სააკაშვილი დახმარებას ევროკავშირს სთხოვს, წერს Unian. მისი თქმით, თუ ევროკავშირი, განსაკუთრებით კი გერმანიის კანცლერი, ანგელა მერკელი არაფერს იმოქმედებენ უკრაინა კრახს განიცდის.

"კიევში, კაფეში ნიღბიანი კაცები თავს დამესხნენ, მათ მომიტაცეს, მემუქრებოდნენ და კერძო თვითმფრინავით პოლონეთში გადამაფრინეს. ამის უკან კორუმპირებული პეტრო პოროშენკო დგას", - განაცხადა სააკაშვილმა და თქვა, რომ უკრაინაში კანონიერი გზებით დაბრუნდება.

სათვალთვალო კამერების ვიდეო სააკაშვილის ოფიციალურმა გვერდმა რამდენიმე საათის წინ გაავრცელა, სათაურით "სააკაშვილის მოტაცება".

12 თებერვალს მიხეილ სააკაშვილის კიევის რესტორან სულგუნში დააკავეს. თავდაპირველად უცნობი იყო ვინ დააკავა ოდესის ყოფილი გუბერნატორი. მოგვიანებით, უკრაინის საზღვრის სამსახურმა გაავრცელა ინფორმაცია იმის შესახებ, რომ მისი რეადმისიის შესახებ გადაწყვეტილება საიმიგრაციო სამსახურთან ერთად მიიღო. ოფიციალურ განცხადებაში ნათქვამი იყო, რომ მიხეილ სააკაშვილს დააბრუნებენ იმ ქვეყანაში, რომლიდანაც არალეგალურად შემოვიდა.

დაკავებიდან რამდენიმე წუთში, მისი პარტიის, ახალი ძალების მოძრაობის წევრებმა მხარდამჭერებს მოუწოდეს ჟულიანისა და ბორისპოლის აეროპორტებთან ბლოკპოსტები შექმნათ, გადაეკეტათ კიევიდან გასასვლელი გზები და შეემოწმებინათ ყველა საეჭვო ავტოტრანსპორტი იმისთვის, რომ მიხეილ სააკაშვილის ქვეყნიდან დეპორტაცია არ დაეშვათ. როგორც უკრაინული მედია იტყობინება, სააკაშვილი ჩარტერული რეისით გააფრინეს.