მეუღლისა და მცირეწლოვანი შვილის მკვლელობაში ბრალდებული მაგდა პაპიძე ნაფიცმა მსაჯულებმა ერთხმად, 12 ხმით 0-ის წინააღმდეგ, სცნეს დამნაშავედ. განაჩენი საქალაქო სასამართლოში რამდენიმე წუთის წინ გამოცხადდა.

6 ივლისს, 11:00 საათზე, სასჯელის ზომას მოსამართლე განსაზღვრავს ნაფიცი მსაჯულების მონაწილეობის გარეშე, ვინაიდან დაცვის მხარემ უარი განაცხადა მათ დასწრებაზე.

ბოლო, 4 ივლისის სხდომა დახურულ რეჟიმში მიმდინარეობდა, რაც თავად პაპიძემაც მოითხოვა და მიზეზად მედიის მიერ მისი პროცესის გაშუქების უარყოფითი ფორმა დაასახელა.

მაგდა პაპიძე ქმრისა და შვილის მკვლელობის ბრალდებით, 7 თვის წინ დააკავეს. მისი საქმის არსებითი განხილვა სამ კვირაზე მეტხანს მიმდინარეობდა.