2016 წელს სახელმწიფომ მართლმადიდებელ ეკლესიას 20 მიწის ნაკვეთი გადასცა, რომლის საერთო ფართი 287 222 კვ.მ-ია. გადაცემული მიწის დიდი ნაწილი - 282 550 კვ.მ ეკლესიას საკუთრების უფლებით გადაეცა, ხოლო სარგებლობის უფლებით (უზუფრუქტის ან აღნაგობის ფორმით) 4,672 კვ.მ. ქონების შესახებ ინფორმაცია On.ge-ს ტოლერანტობისა და მრავალფეროვნების ინსტიტუტმა მიაწოდა.

მათივე ინფორმაციით, მართლმადიდებელ ეკლესიას გადაეცა სასოფლო-სამეურნეო დანიშნულების ტექნიკა - ტრაქტორი და 10 ათასი ტუფის ქვა.

მართლმადიდებელი ეკლესიისთვის საკუთრების უფლებით მიწა არ გადაუციათ მუნიციპალიტეტებს, თუმცა მათ დროებით სარგებლობაში (აღნაგობის ან უზუფრუქტის ფორმით) უსასყიდლოდ და უვადოდ 86 661 კვ.მ. მიწის ნაკვეთი. დროებით სარგებლობაში ეკლესიას ყველაზე დიდი ქონება - 70 ათასი ჰექტარი მიწა ქობულეთის მუნიციპალიტეტმა გადასცა.