კაზუჰირო ტსუჯი კინოს სამყაროში ერთ-ერთი ყველაზე მოთხოვნადი გრიმიორია. მას უმუშვია ისეთ ფილმებზე, როგორებიცაა - Men in Black, Hellboy, The Curious Case of Benjamin Button, Darkest Hour და ა.შ.

ტსუჯი ყვება, რომ მის კარიერაში ყველაზე რთული How the Grinch Stole Christmas-ზე მუშობა იყო რადგან ჯიმ კერისთან ურთიერთობა ძალიან დიდ ძალისხმევას მოითხოვდა.

კაზუჰირო ტსუჯი

კაზუჰირო ტსუჯი

"გადასაღებ მოედანზე ის [ჯიმ კერი] ყველასთვის ბევრს ნიშნავდა, ის დიდი და რამდენიმე ათეულ მილიონად შეფასებული მსახიობი იყო. ამას თავადაც აცნობიერებდა და შესაძლოა ეს გახდა მისი არასასიამოვნო დამოკიდებულებების მიზეზი. კერის გამო გადაღებებს ვერ ვასრულებდით, გამუდმებით აგვიანებდა, მუდმივად მის მოლოდინში ვიყავით, ხანდახან რამდენიმე დღითაც კი ქრებოდა. მასთან მუშაობა ძალიან რთული იყო, წარმოიდგინეთ რამდენიმე საათი მჭირდებოდა გრინჩის გრიმისთვის, ის კი გამუდმებით წუწუნებდა და ღიზიანდებოდა. ერთ დღეს იმაზე დამიწყო ჩხუბი, რომ გრინჩის მწვანე ფერი გაცილებით მუქი იყო ვიდრე წინა დღეს გაკეთებული. ყველა დღე ასეთი იყო", - ყვება კაზუჰირო.

გრიმიორი იმასაც იხსენებს, რომ ფილმზე მუშაობის დასრულების შემდეგ ფსიქოთერაპია დასჭირდა.

"გადაღებებიდან დაბრუნებული მუდმივად გაღიზიანებული ვიყავი. მეგობრებმა მირჩიეს, რომ ხელფასის მომატება მეთხოვა, რადგან ასეთ ვითარებაში მუშაობა ნამდვილად საშინელ დეპრესიაში მაგდებდა. ახლა არჩევანი რომ მქონოდა, ამ ფილმზე მუშობას არ დავთანხმდებოდი, რადგან საშინლად ვგრძნობდი თავს და თერაპიაზე დავდიოდი. ამ ფილმის შემდეგ ძალიან ინტროვერტი გავხდი, არ მიყვარს ბევრ ადამიანთან ერთ გარემოში ყოფნა", - ყვება ტსუჯი.