0.1393 გრამი ნარკოტიკული საშუალება MDMA-ის შენახვისთვის 24 წლის სერგო შიშმანიძეს 6-წლიანი პატიმრობა მიესაჯა. გადაწყვეტილება თბილისის საქალაქო სასამართლომ გუშინ, 6 თებერვალს მიიღო.

როგორც შიშმანიძის ადვოკატმა, ტარიელ მურმანიშვილმალიბერალს უთხრა, ბრალდებულმა ითანამშრომლა გამოძიებასთან, აღიარა ნარკოტიკული ნივთიერების ფლობა, ამიტომ არასაპატიმრო სასჯელს ითხოვდნენ.

"ველოდობდით, რომ პროკურატურა საპროცესო შეთანხმებას გააფორმებდა ან მინიმალურ სასჯელს მაინც გამოიყენებდა სასამართლო. თუმცა მიუსაჯეს 6 წელი. არ გვითხრეს რატომ არ გაუფორმეს საპროცესო 24 წლის ბიჭრს, რომელსაც სუფთა წარსული აქვს, სანამართლევი არაა, მსგავს შემთხვევებში შემჩნეული არ ყოფილა. მუშაობს, ელექტრონულ მუსიკას წერს", — ამბობს მურმანიშვილი.

შიშმანიძეს ბრალი 260-ე მუხლის მე-3 ნაწილით ჰქონდა წარდგენილი, რაც თავისუფლების აღკვეთას ვადით 5-დან 8 წლამდე ითვალისწინებს.

საქართველოს კანონმდებლობით MDMA-ს მცირე ოდენობა განსაზღვრული არ არის, რაც იმას ნიშნავს, რომ მისი ნებისმიერი რაოდენობა განსაკუთრებით დიდი ოდენობადაა მიჩნეული და უფრო მკაცრი სანქციაა დაწესებული.