დიდი ბრიტანეთის დამოუკიდებლობის პარტიის (Ukip) ლიდერმა ნაიჯელ ფარაჯმა განაცხადა, რომ გაერთიანებული სამეფოსში ევროკავშირიდან გასვლის გადაწყვეტილებიდან გამომდინარე იგი პარტიის თავმჯდომარის პოზიციას დატოვებს. ინფორმაციას The Guardian ავრცელებს.

"რეფერენდუმის დროს ვთქვი, რომ ჩემი ქვეყნის დაბრუნება მინდოდა, ახლა ჩემი ცხოვრების დაბრუნება მინდა," - თქვა ფარაჯმა პრეს კონფერენციაზე, ლონდონში.

2006 წლიდან ფარაჯმა ბევრი ცვლილება მოუტანა პარტიას. ფარაჯმა ადრეც დატოვა იგივე პოზიცია 2015 წელს მას შემდეგ, რაც დეპუტატად არ აირჩიეს, თუმცა მალევე შეიცვალა აზრი და სამსახურს დაუბრუნდა. მისი თქმით, ასეთი რამ აღარ მოხდება.

განცხადებაში ფარაჯი ამბობს: "გადავწყვიტე გვერდზე გავდგე, როგორც Ukip-ის ლიდერი. ბრექსითის გამარჯვება რეფერენდუმში ნიშნავს, რომ ჩემი პოლიტიკური ამბიცია მიღწეულია. ბიზნესიდან ამ ბრძოლაში იმიტომ ჩავერთე, რომ მინდოდა თვითმმართველი სახელმწიფო ვყოფილიყავით და არა პოლიტიკური კარიერისთვის."