SpaceX-ის გიგანტური რაკეტის, Falcon Heavy-ს წარმატებით გაშვებას აშშ-ის პრეზიდენტი ტვიტერის საკუთარ გვერდზე ეხმაურება. დონალდ ტრამპმა ილონ მასკსა და SpaceX-ს მიულოცა:

" ეს მიღწევა NASA-ს კომერციულ და საერთაშორისო პარტნიორებთან ერთად, კვლავ გვიჩვენებს, რომ ამერიკული გამომგონებლობა საუკეთესოა".

ილონ მასკის კომპანიამ გიგანტური რაკეტა Falcon Heavy თბილისის დროით 7 თებერვალს, 00:05-ზე გაუშვა. SpaceX გადმოსცემდა ტრანსლაციას, სადაც პირდაპირ ეთერში შეგეძლოთ რაკეტის აფრენა გენახათ.

Falcon Heavy-ს ტესტირებამ წარმატებით ჩაიარა: მან ორბიტაზე გაიყვანა ტესლას მანქანა, რომელშიც მანეკენი, სახელად Starman იჯდა და ჩართული იყო დევიდ ბოუის Space Oddity.