საზოგადოებრივი მაუწყებლის სამეურვეო საბჭოს ყოფილი წევრი ლელა გაფრინდაშვილი აუდიტის დასკვნასთან დაკავშირებით ამჟამინდელ წევრებს ხვალ, 6 თებერვალს შეხვდება. ამის შესახებ გაფრინდაშვილმა ფეისბუკზე დაწერა.

აუდიტის დასკვნის მიხევდით, სამეურვეო საბჭოს ყოფილ წევრს, ლელა გაფრინდაშვილს, რომელსაც უფლებამოსილების ვადა უკვე შეწყვეტილი ჰქონდა, 5 თვის განმავლობაში ჰონორარის სახით უსაფუძვლოდ მიღებული აქვს 12 800 ლარი.

შეხვედრის თაობაზე გაფრინდაშვილმა გენერალურ დირექტორს განცხადებით მიმართა, რათა გამოიყენოს უფლებამოსილება და სამეურვეო საბჭოს რიგგარეშე სხდომის გამართვის ინიციატივით მიმართოს.

ფოტო: ლელა გაფრინდაშვილი

"სამეურვეო საბჭოს ამ სხდომის მუშაობაში მე ჩავერთვები იმ მომენტიდან, როცა მსჯელობა დაიწყება აუდიტის დასკვნის ჩემთან დაკავშირებულ ნაწილზე. სასურველია, რომ სამეურვეო საბჭოს ამ სხდომას დაესწრონ საზოგადოებრივი მაუწყებლის 2015-2016 წლების პერიოდის თანამშრომლები, რომლებ

იც ამ საქმესთან დაკავშირებულები არიან", - ნათქვამია გაფრინდაშვილის განცხადებაში.

როგორც გაფრინდშვილმა On.ge-ს უთხრა, შეხვედრას ჩაიწერს კამერები, თუმცა ის აპირებს, რომ საბჭოს მიმართოს და შეხვედრა ღია გახდეს.

როგორც საზოგადოემბრივი მაუწყებლის პროტოკოლის ხელმძღვანელმა On.ge-ს უთხრა, ეს ბუღალტერიის მექანიკური შეცდომა იყო, რადგან მათ ინფორმაცი არ ჰქონდათ, რომ საბჭოს წევრს ვადა გაუვიდა.

პროტოკოლის ხელმძღვანელისგან განსხვავებით, ლელა გაფრინდაშვილმა თქვა, რომ მან ანაზღაურება კონკრეტული სამუშაოსთვის, კერძოდ კი კვლევის ანგარიშისთვის მიიღო. როგორც მან On.ge-ს უთხრა, ანგარიში მან მას შემდეგ მიიტანა, რაც საბჭოს წევრი აღარ იყო.