ეუთოს 25-ე ყოველწლიურ სესიის მესამე დღე ოფიციალურად გაიხსნა. ღონისძიებას 57 ქვეყნის 700-მდე წარმომადგენელი ესწრება, რომლებიც უსაფრთხოების საკითხებთან დაკავშირებით მსჯელობას აპირებენ, მათ შორის მსოფლიოში მიმდინარე კონფლიქტებზეც ისაუბრებენ. საქართველოს დელეგაცია კი აფხაზეთსა და სამრეთ ოსეთში მიმდინარე პროცესებზე აპირებს ყურადღების გამახვილებას.

საპარლამენტო უმრავლესობის წევრის, გია ვოლსკი თქმით ეუთოს წარმომადგენლობა საქართველოში ოკუპაციის საკითხს საკმაოდ მკაცრად აფასებს:

"არის თემები, რომლებიც ეხება ოკუპაციას, აგრესიას, იმის აუცილებლობას, რომ წინ წავიდეს პროცესი მოლაპარაკებისკენ. საკმაოდ მკაცრად აფასებს იმ პოლიტიკას, რასაც ჰქვია საოკუპაციო პოლიტიკა. კომპრომისები არ არსებობს. ერთი წუთით ვერც წარმომიდგენია, რომ რუსეთმა უკან დაიხიოს, უკან გადადგას ნაბიჯი, მაგრამ, რეალურად ეს არის მისი დამოკიდებულება პროცესების მიმართ".

ვოლსკის თქმით, რუსეთს არა მხოლოდ საქართველოსთან აქვს პრობლემა, არამედ ზოგადად არის მსოფლიო მასშტაბის სერიოზული დაპირისპირება, სადაც საქართველო ერთ-ერთ მნიშვნელოვან სეგმენტს წარმოადგენს.